2026 Félagsútilega Árbúa

Helgina 25-26 Apríl héldu Árbúar félagsútilegu í Ölver undir Hafnarfjalli. Mæting var á föstudegi klukkan 20:00 fyrir alla aðra en drekaskáta. Drekskátar mættu svo í dagsferð á laugardeginum. Ölver tók vel á móti okkur, húsnæði og umhverfi hentar vel í skátastarf og ekki var verra að vera með fullbúið eldhús þar sem allt var til staðar fyrir stóran hóp. Veðrið á föstudeginum var frábært, fengum sól og nutum þess að vera úti. Á laugardeginum var einnig fínasta veður þurrt og smá vindur en sólin faldi sig á bakvið skýin. Á laugardeginum var þétt dagskrá þar sem farið var í göngu, tálgað, eldað úti, lært á áttavita og margt fleira. Á laugardagskvöldinu var kvöldvaka þar sem sungin voru skátalög og nýjir skátar vígðir. Við viljum þakka sérstaklega okkar frábæru sjálfboðaliðum og foringjum sem gerðu þessa útilegu mögulega.