Aðalfundur Árbúa 2026

Aðalfundur Árbúa var haldin 23. febrúar 2026 í Skátaheimili Árbúa. Eins og svo oft áður var Auðna Ágústsdóttir kosin fundarstjóri og stýrði hún fundi af mikilli festu og hélt fundarmönnum við efnið. Félagsforinginn Eva María fór yfir skýrslu stjórnar þar sem var tekið saman það helsta sem Árbúar gerðu árið 2025 og þátttakenda tölur. Eva Íris fór yfir ársreikning félagsins fyrir 2025. Í stuttu máli hefur starfið gengið vel og er félagið að vaxa með kraftmiklu starfi okkar frábæru foringja. Félagsforingi og tveir aðstoðarfélagsforingjar buðu sig aftur fram og fengu allir kosningu. Stjórnin verður því óbreytt og sitja í henni Eva María Sigurbjörnsdóttir, Eva Íris Eyjólfsdóttir, Elvar Gíslason, Páll Þórir Daníelsson og Svava Dröfn Davíðsdóttir. Kjartan og Guðjón fengu Þórshamarinn fyrir vel unnin störf. Einnig voru veitt Starfsaldursmerki 5, 10, 20 og 30 ára.

Stjórn Árbúa frá vinstri, Elvar, Eva María, Eva Íris og Páll Þórir. Það vantar Svövu á myndina.

Daníel Þröstur minnir á Skátasamband Reykjavíkur (SSR) og mikilvægi þess.

Jón Andri fer yfir hugmyndir fyrir 50 ára afmælishátíð félagsins.

Eva María Félagsforingi ásamt Kjartani og Guðjóni sem fengu Þórshamarinn.

Auðna nælir í Evu Maríu 30 ára starfsaldurs merki skátana.

Eva María og Eva Íris ánægðar með 30 árin.

Sæbjörg fékk 20 ára starfsaldurs merki skátana.

Elvar og Emil með 5 ára starfsaldurs merkið.

10 ára starfsaldurmerki fengu frá vinstri, Svava, Nonni, Einar og Herdís.

Verið að gæða sér á kökum sem eru nauðsynlegar á svona fundum.

Elvar, Jón Andri og Eva Íris í miklum pælingum.

Hressir dróttskátar ásamt Guðjóni sem var að næra sig.